မြန်မာနိုင်ငံလို့ခေါ်တဲ့အရပ်က တိုင်းရင်းသားတွေကြားမှာ မတူတာတွေထဲကတူတာလေးတွေကို ပြောကြရမယ်ဆိုရင်၊ ဘာသာစကားကစပြောရမယ်ထင်ပါတယ်။ မြန်မာနိုင်ငံမှာ မှီတင်းနေထိုင်ကြတဲ့ တိုင်းရင်းတွေရဲ့ ရိုးရာဓလေ့နှင့်ဘာသာစကားတွေဟာ တစ်ခုနှင့်တစ်ခုမတူညီကြသလို၊ ဆင်တူတာ လေးတွေကိုလည်းတွေ့ရမှာဖြစ်ပါတယ်။ အံ့သြစရာတစ်ခုမဟုတ်တဲ့ ရိုးရှင်းတဲ့အချက်လေးတွေပါ။ ဥပမာအားဖြင့် တိဘက်-မြန်မာအနွယ်ဝင်တွေဖြစ်တဲ့ ချင်း၊ ကချင်၊ နာဂ၊ ဗမာ၊ ကရင်နှင့် အခြားကျန်ရှိတဲ့ မျိုးနွယ်စုတွေရဲ့စကားတွေမှာ တူညီတာလေးတွေအများကြီးရှိနေပါတယ်။ ဒါဟာ ဘာသာဗေဒဆက်စပ်မှုအရတည်ရှိနေတဲ့ဆက်နွယ်မှုတွေဖြစ်ပါတယ်။
ရိုးရာယဉ်ကျေးမှုအရဆင်တူမှုတွေကိုတော့ တောင်ပေါ်သား တွေဖြစ်တဲ့ ချင်း၊ နာဂနှင့် ကချင်တို့ကြားမှာ အတော်လေးဆင်တူတာတွေရှိနေပါတယ်။ ကရင်တွေနှင့်လည်းတူတာတွေရှိနေတာပါပဲ။ ဒါကလည်း၊ ပထ၀ီ အနေအထားနှင့်လူမှုရေးဆိုင်ရာပုံသွင်းမှုတွေ ကြောင့်ပေါ်ပေါက်လာတဲ့ တန်ဘိုးလေးတွေလို့ပြောရင် မမှားဘူးထင်ပါတယ်။ ဒီလိုဆင်တူမှုလေးတွေရှိနေကြတဲ့ တိုင်းရင်းသားလူမျိုးတွေအကြောင်းကိုလူသိများ ကြပေမယ့်၊ လူသိမများတဲ့ ရှေးအကျဆုံးတိုင်းရင်းသား လူမျိုးစုတစ်ခုစစ်ကိုင်းတိုင်းထဲမှာ ရှိနေတာကိုလေ့ လာသိရတဲ့အခါ အလွန်စိတ်ဝင်စားလာမိပါတယ်။ ဒါကြောင့်ပဲ အဲ့ဒီလူမျိုးစုအကြောင်းကိုတစ်စိတ်တစ်ပိုင်း လောက်မိတ်ဆက်သဘောရေးဖို့ စိတ်ကူးလိုက်တာပါ။
မြန်မာနိုင်ငံရဲ့ရှေးဦးနေထိုင်သူတွေထဲက သက်လူမျိုးတွေဆိုတာကို သတိရကြအုံးမယ်ထင်ပါတယ်။ ပျူ၊ သက်၊ ကမ်းယံဆိုပြီးသုံးမျိုးရှိတဲ့ထဲက သက်လူမျိုးတွေအကြောင်းကို လူတွေသိပ်မပြောကြတော့တာ ပျောက်သွား ပြီထင်လို့ဖြစ်နိုင်ပါရဲ့။ တကယ်တော့ သက်လူမျိုးဆိုပြီး ဒီနေ့ထိရှိနေတာ သမိုင်းစိတ်ဝင်စားသူတွေအတွက် သတင်းကောင်းတစ်ခုပါပဲ။ သက်လူမျိုးဆိုတဲ့နာမည်နဲ့နေထိုင်ကြတဲ့သူတို့တွေကို အများအားဖြင့်တော့ ရခိုင်ပြည်မြောက်ပိုင်းမှာ တွေ့ရမှာဖြစ်ပါတယ်။ ၁၀ရွာခန့်ရှိမယ့်သူတို့ရဲ့လူမှုအသိုင်းအ၀ိုင်းလေးဟာ ယခင် သက်လူမျိုးတို့ရဲ့အနွယ်တော်တွေဆိုတာသေချာပါတယ်။
သူတို့လိုပဲ နောက်ထပ်သက်အုပ်စုဝင်ဖြစ်တဲ့ ကတူး-ကနန်းဆိုတဲ့မျိုးနွယ်စုတစ်ကိုလည်း စစ်ကိုင်းတိုင်း ကသာခရိုင်ထဲက အင်းတော်နှင့်ဗန်းမောက်မြို့နယ်တွေမှာ တွေ့ရမှာဖြစ်ပါတယ်။ သမိုင်းနောက်ခံအားဖြင့် ဒီအရပ်ဟာ သူတို့နေထိုင်ရာအရပ်တွေဖြစ်ခဲ့သလို ဒီနေ့ထိအဲ့ဒီအရပ်မှာ အများဆုံးနေထိုင်သူဒေသခံ တွေဖြစ်ကြပါတယ်။ သူတို့တွေနှင့်ရောနှော နေထိုင်သူတွေ ကတော့ တိုင်းလုံ (တိုင်းလျှံ) ရှမ်းအနွယ်တွေဖြစ် တယ်။ တိုင်းလျှံကို အဲ့ဒီအရပ်မှာ ရှမ်းနီလို့သိကြတယ်။ ရှေးယခင်မြန်မာမင်းတွေလက်ထက်ကတည်းက တကောင်းမြို့တော်ကျပြီးနောက်ပိုင်းဒီအရပ်ဘက်ကိုပိုပြီးအားပြုနေထိုင်လာခဲ့ကြတဲ့လူမျိုးတွေဖြစ်ပါတယ်။ ၀တ်စားဆင်ယင်မှုဓလေ့နှင့်ဘာသာစကားအရသုံးသပ်ရရင် ရှေးကျတဲ့မြန်မာစကားဆန်ဆန်တွေကိုသုံးနှုန်း တာတွေ့ရသလို၊ ရှေးမြန်မာမင်းများလက်ထက်က ၀တ်စားဆင်ယင်မှုမျိုးတွေကိုလည်းတွေ့ရပါတယ်။ ထူးခြားတဲ့ ယဉ်ကျေးမှုလက္ခာတစ်ခုကတော့ ကလေးနှင့်လူငယ်တွေမှာတွေ့ရတဲ့ ဥဇံပုတ် ဆံပင်ဒီဇိုင်းပုံပဲဖြစ်ပါတယ်။ ဒီဆံပင်ဒီဇိုင်းကိုရှေးခေတ်ဗမာမိန်းခလေးတွေထားကြတာတွေ့ရပြီး အိုးမုတ်ခွက်ကေလို့လည်းခေါ်ကြတယ်ထင်ပါရဲ့။ အိုးမုတ်ခွက်ကေနဲ့သနပ်ခါးပါးကွက်ကြားဟာ ဗမာမိန်းခလေးတွေရဲ့ရိုးရာ အလှတင်္ကေတအဖြစ်ထင်ရှားပါတယ်။
သူတို့စကားအသုံးအနှုန်းချို့ဟာ တော်ဝန်အသုံးအနှုန်းဆန်နေတာတွေ့ရပါ တယ်။ ဗမာစကား (သူငယ်ချင်း) ဆိုတာကို ကတူးစကားနှင့် အဆွေ လို့ ခေါ်တယ်။ ကတူး-ကနန်းလူမျိုးတွေဟာ အစဉ်အလာအလာအားဖြင့် ယဉ်ကျေးမှုအဆင့်အတန်းမြှင့်မားခဲ့တဲ့လူမျိုးဆို တာထင်ရှားပါတယ်။ သူတို့စကားနဲ့ သူတို့လူမျိုးကို၊ အဆက်ဂ် (Asak) လို့ခေါ်ပြီး သူတို့စကားကိုတော့ အဆက်ဂ်တမီဆာ လို့ခေါ်တယ်။ အဆက်ဂ်ဆိုတဲ့ အသုံးအနှုန်းဟာ သမိုင်းမှာ သက်လူမျိုးကိုခေါ်တဲ့ အသုံးအနှုန်းဖြစ်ပါတယ်။ သူတို့ရဲ့အိမ်ဆောက်ပုံကတော့ ရှမ်းတွေနဲ့ အနည်းငယ်ဆင်နေပြန်ပါတယ်။ အချို့က ဌင်းတို့ကိုရှမ်းတွေလို့ယူဆပေမယ့် သူတို့ဟာ တိဘက် မြန်မာအုပ်စုဝင်ထဲက သီးသန့်သက်အုပ်စုတစ်သာဖြစ်ပြီး၊ အခြားအုပ်စုဝင်တွေဖြစ်တဲ့ ကချင်၊ နာဂနှင့် ဗမာ တို့ရဲ့စကားတွေနဲ့ပါ ဆက်နွယ်မှုရှိနေတာကို လေ့လာ တွေ့ရှိရပါတယ်။ တချိန်က (၁၃ ရာစုခန့်ဖြစ်မည် ထင်ပါသည်) မြန်မာပြည်အလယ်ပိုင်းမှာ ရှမ်းတွေအင် အားကြီးခဲ့တာကြောင့် ဒီလူမျိုးတွေအပေါ်မှာ ဘာသာစကားနှင့်ယဉ်ကျေးမှုလွှမ်းမိုးမှုတွေရှိ ကောင်းရှိခဲ့ နိုင်ပါတယ်။ ထိုခေတ် ရှမ်းယဉ်ကျေးမှုက ဒေသအတွင်းအခြားတိုင်းရင်းသားတွေအပေါ်လွှမ်းမိုးမှုကို သုတေသနပြုနိုင်လျှင်များစွာ အကျိုးရှိ မည်ထင်ပါသည်။
ကတူးနှင့်ကနန်းလူမျိုးဆိုတာ ရှေးယခင်မြန်မာမင်းတွေလက်ထက်ကတည်းက၊ မင်းမှုထမ်းခဲ့ကြတဲ့လူမျိုးများ ဖြစ်သလို ကြည်ဝန်အမတ်မင်းရဲ့ အသိအမှတ်ပြုမှုနောက်ပိုင်းကစပြီး ရွှေဝန်ရွှေမှူးတွေအဖြစ် သတိုးမင်းစောလက်ထက်မှာပင်မင်းမှုထမ်းခဲ့ကြသူတွေဖြစ်ပါတယ်။ ကတူးနှင့်ကနန်းဆိုတာ သမိုင်းနှင့်ရိုးရာအစဉ်အလာအားဖြင့်လည်းကောင်း ဘာသာစကားအားဖြင့်သော်လည်းကောင်း၊ အုပ်စုတူမျိုးနွယ်တူတွေဖြစ်ကြပါတယ်။ ဒီချိန်မှာ သူတို့ကို ကတူး-ကနန်းဆိုပြီးတွဲခေါ်လေ့ရှိကြသလို၊ အချို့က ထင်သာအောင် သီးခြားစီခွဲပြောတာလည်းရှိပါတယ်။ မျိုးနွယ်စုခွဲအားဖြင့်တော့ ကတူးမှာ သုံးမျိုးရှိပြီး၊ ကနန်းမှာတော့ ဒေသစကားသံကွဲပြားမှုကိုအခြေခံတဲ့အဓိကအုပ်စုနှစ်စုရှိပါတယ်။ ကတူးစကားအုပ်စု သုံးခုထဲက တစ်ခုဖြစ်တဲ့ (မော်တိတ်)စကားကတော့ တိမ်ကောလုမတတ်ဖြစ်နေပါပြီ။
ထူးဆန်းတာလေးက၊ ကချင်(ဂျိမ်းဖော)နှင့်နာဂမှာ ရိုးရာနှုတ်သမိုင်းအရပြောကြတဲ့ ညီအစ်ကိုနှစ်ယောက် ငှက်ပြောတောမှာလမ်းပျောက်ရာက ကွဲသွားကြပြီး ယခုပြန်ဆုံချိန်မှာ ညီအစ်တွေအဖြစ်အသိအမှတ်ပြုကြတဲ့ ဒဏ္ဍာရီကို ကတူး-ကနန်းတွေဆီမှာပါတွေ့ရလို့စိတ်ဝင်စားစရာ ကောင်းပါတယ်။ ကတူး-ကနန်းလူမျိုးဆိုတာ မြန်မာပြည်ရောက်ရှေးအကျဆုံးနေထိုင်သူတွေဖြစ်ပေမယ့် လူသိနည်းပြီး သမိုင်းမှတ်တမ်းတွေသိပ်မရှိသေးတာကြောင့် လေ့လာဖို့ကောင်းတဲ့လူမျိုးတစ်ခုဖြစ်လို့ သူတို့အကြောင်းကို အကျဉ်းလောက်တင်ပြလိုက်တာဖြစ်ပါတယ်။
No comments:
Post a Comment